ცხელი ამბები კულისებიდან

ნიჭიერის ბლოგერად რომ ამიყვანეს ეგ ხომ გახარეთ უკვე. ხოდა დღეს დაგვირეკეს და მობრძანდითო, ხოდა მივბრძანდით ჩვენც. მე და თინი იასნა ფოტოაპარატებით ვიყავით შეიარაღებულები და რამდენიმე სურათიც გადავიღეთ იქაურ სამუშაო გარემოში. ფაქტიურად “ადგილობრივებს” ფოტოაპარატებით დავესხით თავს

კედლებზე და იმ შუა დაფაზე სულ ნიჭიერების სურათები და რაღაცეები იყო გაკრული. კედელზე კიდევ რაღაც ჩასადებები იყო, რომლებშიც ნიჭიერების აპლიკაციები იყო. ბექა და თინი ძალიან დიდი ინტერესით გაეცნენ თითოეულს :))) მე თათუკას მონაყოლით დავკმაყოფილდი.

ხო, თათუკა იქაური თანამშრომელია, რომელმაც სამუშაო პროცესი აღგვიწერა და საინტერესო რაღაცეებს გვიყვებოდა. მოკლედ, ჩვენი მეგზური იყო.

მერე დოდკაც მოვიდა, რაღაცეები დოდიმაც აგვიხსნა

მერე წამყვანებზეც შეგვახედეს (ვანიკო თარხნიშვილი და თიკა ფაცაცია) :)))

ყოველთვის ძალიან მაინტერესებდა რა ხდებოდა მსგავს პროექტებში კულისებს მიღმა. ანუ ჩვენ რომ კვირაში ერთხელ რაღაცას ვნახულობდით, მთელი ის ერთი კვირა ვიღაც ხო მუშაობს რაღაცაზე, ამზადებს რაღაცეებს. ხოდა, მოკლედ, მომეცა საშუალება ცოტაზე დავკვირვებოდი :))

ვითონ სამუშაო (როგორც სამუშაოების უმრავლესობა) დამღლელი. სამუშაო გარემო კიდევ (ერთი შეხედვით) ძალიან სასიამოვნო არის. ნუ ეთ ლისთ მოწევა მოჟნა და ყავა და ჩაიც იქვეა :)) მეტი რა უნდა უნდოდეს მომუშავე ადამიანს თავის ცოტა უკეთ საგრძნობად :))

იქ ხმის ჩაწერაზეც დავესწარით. ვანიკო და თიკა ჯერ რეპეტიციობდნენ და მერე იქ, იმ რაღაც ჩუმ ოთახში შევიდნენ, სადაც ყველაფერი მოგუდულად ისმის და (მგონი რომ) ჩამწერი სტუდია თუ რაღაც ქვია.. მოკლედ, როგორც არის. იქაც გვქონდა საშუალება სამუშაოზე დაკვირვების.

აი ამას არ გაგიმხელთ, ვის ეკუთვნის :))) მარა თვითონ ალბათ იცნობს, თუ ნახავს :))

მოკლედ, ემოციებიანი დღე და სურათებიანი პოსტი გამოვიდა :)))

25 დეკემბრის შობა

ბლოგინგს არაფერი ისე არ უხდება, როგორც ჩაი. თუ ჩაის ჭიქა ახალია, ბლოგვის სიამოვნება ორმაგდება <3

შობა ჩვენთან 7ში არისო ამბობენ (მიუხედავად იმისა, რომ 25სა დეკემბერსას მღერიან მაინც), მაგრამ ჩემთვის შობაც და ახალი წელიც მაშინ დგება, როდესაც ბევრ საჩუქარს ვიღებ. არ ვიცი, ვინმეს სჯერა რომ 7 და 14 დიდი დღეებია? მაინც 25 და 1ში ხდება ზარ-ზეიმი და ამბები, 7და 14 კი ისე ჩაივლის ხოლმე, რომ ეკლესიაში მყოფი ხალხის გარდა მგონი არც არავის ახსენდება…

ენივეი, წლევანდელ 25 დეკემბრის შობაზე მინდოდა მომეყოლა, ყველაზე განსხვავებულ შობაზე :)))

ნათიასთან შევიკრიბეთ წელს. საჩუქრები, ნამცხვარი, შოკოლადები, მარტინი, ჯონი ვოქერი, ჩილიმი და (რა თქმა უნდა) სიგარეტის ბევრი კვამლი :)) გაასწორა ძაან :)) მითუმეტეს, რომ საჩუქრები მივიღეთ ყველამ. თან ძალიან საშობაო განწყობა იყო, აი ისეთი, ფილმებში რომ არის, თბილი და ტკბილი, ბევრ მეგობართან ერთად :)))

მე მივიღე ჩაის ჭიქა (ნათიასგან), დათვი სანტა (მეორე ნათიასგან), საყურე და ყელსაბამი (ნატოშასგან) და კალენდარი (ზიკისგან) :))) სურათებიქვემოთ არის, აქვე:

ხო, კიდევ იყო სათამაშო ჩემთვის და შოთასთვის ნატოშასგან და გიოსგან, მარა ის შოთას დავუტოვე (გაერთოს უჩემობისას) და სურათიც არ მაქვს :))

მე გავაჩუქე ძირითადად საყურეები გოგოებისთვის და ყელზე ჩამოსაკიდები ზიკის და გიოს და ნათიას ვაჩუქე ნიღბები. სურათების დადება მეზარება ახლა და ჰენდმეიდებისთვის ცალკე ფეიჯს რომ გავაკეთებ, იქ დავყრი ;)

სასიამოვნო დამთხვევა იყო, რომ ჩემი და ნატოშას საჩუქრები, ორივე ჰენდ მეიდი იყო და გაცვლა გამოგვივიდა :))

მოკლედ, მაგარი საღამო იყო და სასიამოვნო დღემ შეცვალა ის.

შარშან, როდესაც ბლოგერები კაციშვილს არ ახსოვდა საქართველოში, პირველი მიწვევა მივიღეთ (როგორც ბლოგერებმა) ფორმულა კრეატივისგან, ფილმზე ”რაც ყველაზე ძალიან გიყვარს”. მაშინაც ვწერდი მგონი, ძალიან დიდი სიხარული იყო, თითქმის პირველი სიყვარულისავით, არასოდეს რომ არ დაგავიწყდება. წარმოიდგინეთ, მაშინ პირველად მოგვაქციეს ბლოგერებს ყურადღება. ხოდა წელსაც არ დაგვივიწყა ფორმულა კრეატივის ხალხმა და ბლოგერები მიიწვია. ხოდა ახლა ”რაც ყველაზე ძალიან გიყვარს 2” რომ გადაიღეს იქაც მიგვიწვიეს. მართალია, ხაშზე გვეპატიჟებიან (დილის 12:30-ზე), მარა მაინც… სამაგიეროდ ჩემი კაციც მოდის

აი სადაც არ უნდა მიმიწვიონ, რამდენჯერაც არ უნდა მიმიწვიონ, ამათგან მაინც სულ სხვაა, ესენი ხომ პირველები იყვნენ, ვისაც გავახსენდით <3

მოკლედ, მეყო დორბლების ყრა, დროზე უნდა დავიძინო, თორემ ხვალ ხაშ-კინოზე დამაგვიანდება :)))

ხვალ ან ზეგ წერილობით მოგახსენებთ შთაბეჭდილებებს. ყოველ შემთხვევაში, შარშანდლის შემდეგ ნაკლებს არ ველოდები :))

უიუი, კინაღამ გამომრჩა, გუშინწინ სუშის გაკეთება ვცადე :))) კომბოსტოს ფურცლებში გავახვიე და მთელი ამბები ვუქენი, მარა ბანძი გამოვიდა :/ კომბოსტოს მოხარშვა დააკლდა და თევზიც ცოტა ჩავატენე :/ სამაგიეროდ შემდეგისთვის მეცოდინება, როგორ უნდა გავაკეთო. თან ვიდზე არ ეტყობა რომ უგემურია :)))

ხო, მართლა, შობაზე გამახსენდა, პოსტის დასასრულს გიტოვებთ ჯონ ლაჟუას საშობაო სიმღერას <3

რატომ ვარ მამაბუასილი?

ალბათ უკვე ყველას გეცოდინებათ, რომ მამაბუასილის მიერ პატრიარქზე გაკეთებულ ვიდეოს დიდი აურზაური მოყვა. ჯერ თუთბერიძეს ეცნენ, შემდეგ კი ორი ახალგაზრდა დააკავეს, რომლებიც ზემოთ ხსენებული მეტსახელით იყვნენ დარეგისტრირებულები.

მოდით, დროებით თავი დავანებოთ იმის გარჩევას თუ რამდენად მართალ/მტყუანი იყო მამაბუასილი. მთავარი ის არის, რომ ქვეყანაში, სადაც სიტყვის თავისუფლებაზე ბევრს ლაპარაკობენ და მისი არსებობით თავს იწონებენ, ქვეყანაში, რომლის კანონმდებლობაშიც ინტერნეტ ცენზურაზე სიტყვაც არ არის ნათქვამი, დააკავეს ახალგაზრდა, მხოლოდ იმიტომ, რომ მან თავისი აზრი გამოთქვა ხმამაღლა. დავანებოთ თავი, იმას, რომ ვიდეო მართლაც ძალიან თამამი და პროვოკაციული იყო.

ფეისბუქზე გაიხსნა ჯგუფი, სახელად “მე ვარ მამაბუასილი”. მისი ძირითადი მიზანი სიტყვის თავისუფლებისთვის ბრძოლაა და არა ვინმე კონკრეტული ადამიანის დაცვა. თუმცა მის დანახვასაც, ცოტა არ იყოს, მწვავე რეაქცია მოყვა. ზოგი ამბობდა, რომ ეს ტიპი მტყუანია, ზოგიც იმას, რომ მისი “მხარდამჭერები” აზრზე ვერ მოდიან რა ხდება.

კარგი, ახლა დავფიქრდეთ, მამაბუასილის ვიდეო, უბრალოდ ძალიან გახმაურდა და ამიტომაც მოყვა ამხელა აჟიოტაჟი. რომ არ გახმაურებულიყო, არავინ არ მიაქცევდა ყურადღებას, ისევე როგორც ფორუმის დანარჩენ წევრებს არ აქცევს არავინ ყურადღებას, რომლებიც, მამენტ, უარეს პროვოკაციებზეც მიდიან. ხალხი ამბობდა, მოსახლეობის უმრავლესობის ღირებულებებს გადაუარა და მაგიტომაც მოხდა ასეო.

მე ვარ ბლოგერი. ხშირად ვწერ ტრადიციებზე, რომლებიც მაღიზიანებს და ხშირად ვაკრიტიკებ ხალხს, რომლებიც ჩვენი საზოგადოების ძირითად ნაწილს წარმოადგენენ. დღეს თუ არა, ხვალ ხომ შეიძლება იგივე მიზეზით დამაკავონ ხო? არადა რისთვის? მე ხომ არაფერს არ ვარღვევ! მხოლოდ იმიტომ, რომ ჩემს აზრს ხმამაღლა გამოვხატავ? იმიტომ, რომ ვიყენებ სიტყვის თავისუფლებას, რომლითაც ჩვენი სახელმწიფოს წარმომადგენლები ასე ძალიან ამაყობენ? იდეაში არც მამაბუასილს დაურღვევია კანონი, რა უფლებით დააკავეს?

იმიტომ რომ ხალხმა გააპროტესტა ხო? და იმიტომ, რომ ხელისუფლებას თავისი სახელის გაწმენდა უნდოდა ჩირქისგან, რომელიც რაღაც ჭორებმა მოსცხო?

არც მე ვარ დაზღვეული იგივესგან და არც თქვენ, ინტერნეტის რიგითი მომხმარებლები. 1 გადაბრუნებული სიტყვაც ხომ შეიძლება რომ საკმარისი იყოს?

მაშინ რატომ ვაპროტესტებთ ჯგუფის არსებობას, რომელიც არა მამაბუასილის დაცვას, არამედ ჩვენივე სიტყვის თავისუფლებას ემსახურება?

გაჩუმება უფრო მარტივია ხო?