რამდენს გადაიხდი? (ყველაზე ბანალური, საპლიავი და მშრალი პოსტი)

ხოდა გათენდა დილა და ჩავრთე კომპი რომ ჩამერთო მუსიკა…
მერე ვიფიქრე, მაინც აქ ვარ და მეილსაც შევამოწმებთქო, თუმცა ვიცოდი, ასე ადრე არავინ მომწერდა…
კაკ ნი სტრანნა 1 შეტყობინება დამხვდა ინბოქსში (ალბათ გვიან ღამით გამოაგზავნეს)
გავხსენი და არტ იდეადან იყო, ახალი თემა გვაქვსო სათაური: “რამდენს გადაიხდი?”
ხო, ამაზე თუ გავახსენდები ვინმეს
თან ამ თემაზე რა უნდა დავწერო მე …
ჩავიცვი და სახლიდან გავედი, ლექციებზე მაგვიანდებოდა
ტაქსი გავაჩერე:
_ გამარჯობა, ვაკეში რამდენად გამიყვანთ?
_ თქვენ რამდენს გადამიხდით?
წამიერად გავითიშე…
რამდენს გადავიხდი?
რაში? ლექციებზე რომ არ დამაგვიანდეს?
თუ იმაში რომ არასოდეს მენახა ატირებული დედა…
ან იმაში რომ მკვდარ მამას კიდევ ერთხელ ჩავხუტებოდი?
მეიბი იმაში რომ მიცვალებული მებია არ მენჯღრია
ან იმაში რომ მშობლიურ სახლში მეცხოვრა?…
ან იმაში რომ ჩემს მეგობრებს ჩემი შეცდომები არ გაემეორებინათ….
ტაქსისტის გამეორებულმა კითხვამ გამომაფხიზლა:
_ თქვენ რამდენს გადაიხდით?
_ მთელ სიცოცხლეს…
_
_ ა… უი… ხო… 3 ლარი…
_ ცოტაა, გენაცვალე _ დაქოქა და წავიდა…

მერე დავფიქრდი და ამეებიდან თითოეულში ყველაზე, ყველაზე ძვირფასს მივცემდი_ცხოვრებას…

p.s. და თქვენ რამდენს გადაიხდით?

ტაქსიში, ვაკემდე…